Төлем карточкасын пайдалану кезіндегі қауіпсіздік


Төлем карточкаларын ұстаушыларға арналған пайдалы кеңестер:

1. Карточканы бөгде адамдардың қолы жетпейтін жерде сақтаңыз, оны қоғамдық орындарда, мысалы мейрамханада, қонақ үйде, жұмыста қараусыз қалдырмаңыз.

2. Карточканың зақымдануын болдырмау үшін, карточканы жылу, электрмагниттік немесе механикалық әсерге ұшыратпаңыз. Егер зақымдау нәтижесінде карточканы операциялар жүргізу үшін пайдалану мүмкін болмаса, дереу карточканы қайта шығару үшін Банкке хабарласыңыз.

3. Банктің телефон нөмірлерін жазып алыңыз және әрқашан осы ақпаратты өзімен бірге ұстаңыз.

4. Қаражатты алу кезінде Сізге белгілі банктердің банкоматтарын пайдалану ұсынылады.

5. ПИН-кодты, карточканың әрекет ету мерзімін және CVV2/CVV2/CVC2 кодты құпияда сақтаңыз.

6. Карточканы үшінші тұлғаларға бермеңіз. Қажет болған жағдайда туыстарына қосымша карточкалар шығарыңыз.

7. Бөгде тұлғаларға дербес ақпаратты хабарламаңыз – бұл карточка ұстаушы ретінде сізді сәйкестендіру мақсатында Банкпен келісілген ақпарат: код сөзі, жеке басын куәландыратын құжаттардың деректері, карточка мен Шот нөмірі, құпиясөздер, ПИН-код. Банк өзін кім деп таныстырғанына қарамастан, сізге белгісіз тұлғаларға жеке ақпаратты хабарлауды ұсынбайды, себебі аталған деректер заңға қайшы әрекеттерді жүзеге асыру үшін пайдаланылуы мүмкін, соның нәтижесінде Сізге материалдық және моральдық залал келтірілуі мүмкін.

8. Лотереяларға қатысу үшін жеке ақпаратты және т.б. пайдаланбаңыз, тіпті егер сізге қатысу тегін деп уәде берген болса да. Жеке ақпаратты телефон арқылы жария жерлерде және осы ақпаратты ести алатын және одан әрі оны өз мақсаттарында пайдалана алатын бөгде адамдар болған жағдайда хабарламаңыз. Сіздің жеке ақпаратыңыз бар құжаттарды көпшілік орындарында қараусыз қалдырмаңыз: соның ішінде кеңседе, қонақ үйде, әуежайда – оларға бөгде адамдар қол жеткізе алатын барлық жерде.

9. Дербес ақпаратты компьютеріңізде, ұялы телефонда, қалта компьютеріңізде ашық түрде сақтаудан аулақ болуға тырысыңыз. Бұл ақпарат осы жабдыққа қызмет көрсетуді жүзеге асыратын тұлғаларға немесе желі арқылы оған қол жеткізе алған немесе физикалық жағынан оны ұрлап алған зиянкестерге қол жетімді болуы мүмкін. Жеке ақпараты бар қағаз құжаттарын тастамас бұрын, оларды ұсақ бөліктерге бөліңіз немесе шредерді пайдаланыңыз. Электронды тасымалдағыштардан ақпаратты кепілді жою үшін арнайы бағдарламаларды пайдалану қажет, ал бұл мүмкін болмаған жағдайда, тасымалдағышты физикалық жоюды ұсынамыз.

Сіздің назарыңызды аударамыз!

Егер сіздің дербес ақпаратыңыз үшінші тұлғаларға белгілі болып болса, Сіз бұл туралы төлем карточкаңыздың сыртқы жағында көрсетілген телефондар бойынша Банкке дереу хабарлауыңыз қажет.

Verified by Visa/ MasterCard SecureCode Интернеттегі қауіпсіз төлемдер

Құрметті Банк ВТБ (Қазақстан) Visa және MasterCard төлем карточкаларының иелері!

Visa және MasterCard төлем карточкаларын пайдалана отырып, жаһандық Интернет желісіндегі операциялардың қауіпсіздігіне ерекше назар аудара отырып, Банк ВТБ (Қазақстан) өзінің барлық Visa International және MasterCard Worldwide халықаралық төлем жүйесінің төлем карточкаларын (соның ішінде корпоративтік) Verified by Visa және MasterCard SecureCode қызметіне қосуды жүзеге асырды.

Verified by Visa және MasterCard SecureCode қауіпсіздік жүйесінің негізінде Интернет-төлемдерді жүргізу кезінде Visa және MasterCard карточкасының иесін карточка ұстаушыға ғана белгілі қосымша құпиясөз арқылы сәйкестендіруге мүмкіндік беретін 3-D Secure технологиясы жатыр. 3-D Secure пайдаланушының екі факторлы аутентификациясын қолданатын төлем карточкаларына арналған қауіпсіздіктің жоғары деңгейі ретінде пайдаланылатын XML-хаттамасы болып табылады. Бұл технология Интернет желісіндегі төлем карточкалары бойынша тауарларды (жұмыстарды, қызметтерді) төлеу кезінде жоғары қорғауды қамтамасыз етеді.

Verified by Visa/ MasterCard SecureCode қызметі қалай жұмыс істейді

Қауіпсіздік мақсатында Visa/MasterCard карточкаларын ұстаушыларға Verified by Visa/MasterCard SecureCode қызметі және 3-D Secure технологиясын қолдайтын Интернет-дүкендерде карточкалық операцияларға қол жеткізу ұсынылады. Бұл ретте:

- Verified by Visa/MasterCard SecureCode қызметіне қосылу автоматтандырылғанға дейін - Visa/MasterCard төлем карточкаларын ұстаушыларға Verified by Visa/MasterCard SecureCode қызметін Банк бөлімшесіне хабарласу арқылы/банктің дистанциялық арналары (банкоматтар, Интернет банкинг және мобильді банкинг) арқылы дербес қосу және Verified by Visa/MasterCard SecureCode қызметін қолдайтын Интернет-дүкен сайтын пайдалану ұсынылады (Verified by Visa/MasterCard SecureCode логотипі Интернет-дүкеннің сайтында болуы тиіс);

- Verified by Visa/MasterCard SecureCode қызметіне қосылу автоматтандырылғаннан кейін - осы қызметке қосылу төлем карточкасын шығару/қайта шығару кезінде автоматты түрде жүзеге асырылады.

Бұрын «SMS-хабарлау» қызметін қосқан клиенттерге Verified by Visa/MasterCard SecureCode қызметі карточкалардың барлық түрлері үшін автоматты түрде қолжетімді болуына байланысты Verified by Visa/ MasterCard SecureCode қызметін жеке қосу талап етілмейді.

Verified by Visa/MasterCard SecureCode (verified by Visa/ MasterCard SecureCode логотипі Интернет-дүкен сайтында болуы тиіс) сервисін қолдайтын Интернет-дүкенде төлеген кезде сіз келесі деректерді енгізесіз:

  1. карточканың нөмірі;
  2. карточканың әрекет ету мерзімін;
  3. талап бойынша – латын транслитерациясындағы тегі мен аты (карточканың бет жағында көрсетілгендей);
  4. CVV2/CVC2 код (үш таңбалы нөмір карточканың сыртқы жағында көрсетілген).

Қажетті ақпаратты енгізгеннен кейін сіз Банк сайтына қайта бағытталасыз, онда карточка бойынша жүргізілетін операциялардың егжей-тегжейі бар арнайы нысанда төлемді растау үшін бір реттік құпиясөз енгізу қажет.

Бұл құпиясөз 4 саннан тұрады және ұялы телефонға SMS-хабарлама арқылы келеді. Хабарламада сондай-ақ құпиясөздің әрекет ету мерзімі мен жүйеде құпиясөзді іске қосу уақыты көрсетілген.

Құпиясөз SMS-хабарлама алған сәттен бастап 5 минут ішінде ғана және карточка бойынша қалыптастырылған транзакцияны растау үшін ғана пайдаланылуы мүмкін екеніне назар аударыңыз.

Ұялы телефонға бір реттік құпия сөзді алғаннан кейін, Сізге сайттағы операция мәліметтерін тексеру және тиісті өріске құпиясөз енгізу қажет.

Егер құпиясөз дұрыс енгізілсе, онда Клиентті аутентификациялау сәтті өтті (операция карточка ұстаушының жеке өзі жасаған деп есептеледі) және Сіз Интернет-дүкен сайтына қайта ораласыз.

Интернет-дүкен сайтында операцияны авторландырудың оң нәтижесі бойынша карточканы пайдалана отырып сатып алуды төлеу табысты өткендігі көрсетілуі тиіс.

Егер сіз бір реттік құпиясөзді дұрыс енгізбесеңіз, онда тиісті ақпараттық хабарлама пайда болады, ал сізге жаңа құпиясөзмен SMS-хабарлама жіберіледі.

Динамикалық құпиясөзді дұрыс енгізбеу саны – 5 (бес) рет/тәулігіне.


* «SMS-хабарландыру» қызметінің құны – Банктің қолданыстағы тарифтеріне сәйкес.

Назар аударыңыз!!!

• Браузердің мекенжай жолында келесі мекенжай көрсетілген жағдайда ғана сіздің бір реттік құпиясөзіңізді енгізуге болады: https://acs.multicarta.ru/PaReqVISA.jsp;
https://acs.multicarta.ru/PaReqMASTERCARD.jsp
Интернет желісіндегі кез келген басқа мекенжайларда құпиясөзді енгізуге тыйым салынады.


Алаяқтық қаупі жоғары елдердің тізімі

Құрметті клиенттер!

Банк ВТБ (Қазақстан) АҚ ЕҰ Сіз алаяқтық қаупі жоғары елдерде карточканы қолданғаннан кейін Сізге карточканы қайтадан шығару үшін Банкке жүгінуіңіз қажеттігін хабарлайды. Аталған талапты орындамаған жағдайда және осыған орай карточка бойынша алаяқтық карточкалық операциялар (транзакциялар) туындаған кезде Банктің барлық шығыстары, сондай-ақ Банкке келтірілген залалды Клиент Банкке қайтаруы тиіс.

Елдердің тізімі:

1. Австралия

2. Аргентина

3. Бразилия

4. Ұлыбритания

5. Венесуэла

6. Доминикан Республикасы

7. Индонезия

8. Кения

9. Қытай Халық Республикасы

10. Колумбия

11. Коста-Рика

12. Ливан

13. Люксембург

14. Мавритания

15. Малайзия

16. Мексика

17. Жаңа Зеландия

18. БАӘ

19. Пәкістан

20. Панама

21. Ресей

22. Сауд Арабиясы

23. Сингапур

24. Таиланд

25. Украина

26. Филиппины

27. Франция

28. Чили

29. Эквадор

30. Оңтүстік Африка Республикасы

31. Жапония