Атырау мұнай өңдеу зауыты («АМӨЗ») мен ВТБ тобы АМӨЗ-ді қаржыландыру туралы кредиттік келісімге қол қойды, іріктеме сомасы 38,2 млрд рубльді құрады. «ҚазМұнайГаз» ұлттық компаниясы міндеттемелерді орындауды қамтамасыз етудің корпоративтік кепілдігін шығарды.
Қаражат зауытты жаңғырту жөніндегі жобаны іске асыруға «Қытайдың экспорттық-импорттық Банкінен» алынған валюталық қарызды қайта қаржыландыруға бағытталатын болады.
Орталық Азиядағы операциялар жетекшісі, ВТБ аға вице-президенті Айдар Қалиев:
«АМӨЗ-мен кредиттік мәміле ВТБ тобы мен «ҚазМұнайГаз» ҰК арасындағы әріптестік қатынастарды тереңдету жөніндегі маңызды қадам болып табылады, олардың одан әрі дамуы үшін негіз қалайды және топ компанияларына рубльдік қарыз алудың перспективалы және ауқымды нарығына жол ашады. Қазақстанның мұнай-газ секторындағы ВТБ үшін ең ірі болып табылатын осы мәмілені іске асыру Банктің қазақстандық компаниялар үшін инновациялық қаржылық шешімдер ұсыну бойынша көшбасшылық ұстанымдары мен кең мүмкіндіктерін растайды».
«ҚазМұнайГаз» ҰК АҚ Басқарма төрағасының экономика және қаржы жөніндегі орынбасары Дәурен Қарабаев:
«Мәміле пандемия кезінде жүргізілді және сыртқы қиындықтарға қарамастан уақтылы және сәтті жабылды. ВТБ-мен жасалған келісім бізге ҚМГ тобының кредиттік портфелін оңтайландыруға және әртараптандыруға және жалпы валюталық тәуекелдерді төмендетуге мүмкіндік берді».
Анықтама
«ҚазМұнайГаз» Ұлттық компаниясы» АҚ Қазақстанның тік біріктірілген жетекші мұнай-газ компаниясы болып табылады. ҚМГ көмірсутектерді барлау мен өндіруден бастап тасымалдауға, қайта өңдеуге және сервистік қызмет көрсетуге дейінгі барлық өндірістік цикл бойынша активтерді басқарады. Еліміздің мұнай-газ саласында Қазақстан Республикасының мүддесін білдіреді. Акционерлері – «Самұрық-Қазына» ұлттық әл-ауқат қоры (90,42%) және Қазақстан Республикасының Ұлттық Банкі (9,58%). 2020 жылы өндіру көлемі 21,752 млн тонна мұнай мен 8,191 млрд м3 ілеспе және табиғи газды құрады. МӨЗ-да 18,077 млн тонна мұнай өңделді.
Атырау МӨЗ («ҚазМұнайГаз» ҰК АҚ еншілес компаниясы) Ұлы Отан соғысы жылдарында салынды, 2010-2017 жылдары кәсіпорында ауқымды жаңғырту жұмыстары жүргізілді. Жаңғыртудың арқасында АМӨЗ-ның барлық өнімі К4 және К5 экологиялық сыныптарына сәйкес келеді, кәсіпорынның қуаты 500 мың тоннаға – жылына 5,5 млн тоннаға дейін ұлғайтылды.
Банк ВТБ (ЖАҚ), оның еншілес банктері және қаржы ұйымдары (ВТБ тобы) — Ресейде, ТМД елдерінде, Батыс Еуропада, Азия мен Африкада қаржы-банк қызметтерінің кең спектрін ұсынатын халықаралық қаржы тобы. 2021 жылғы 30 маусымдағы жағдай бойынша активтері 19,6 трлн рубльді құрады, клиенттердің қаражаты - 14,3 трлн рубль. ВТБ негізгі акционері – Ресей Федерациясының Үкіметі, ол дауыс беретін акциялардың 60,9%-ына ие.