ВТБ (Қазақстан) өткен жылдың қорытындысы бойынша сыртқы экономикалық қызмет келісімшарттарының көлемін 2 есеге, яғни 10,7 трлн теңгеге дейін ұлғайтты. Мәмілелердің жиынтық портфелі, сонымен қатар бір жыл ішінде екі есе өсіп 5,5 мыңға жетті.
ВТБ (Қазақстан) Қазақстан мен Ресей арасындағы экспорт пен импорттың сауда ағындарына белсенді қызмет көрсетеді. 2022 жылы теңгемен және ресей рублімен есеп айырысқан келісімшарттар саны 2,5 есеге, ал олардың көлемі 3 есеге артты. Сыртқы экономикалық қызмет аясында банк күн сайын клиенттердің келісімшарттары бойынша ресей рублімен төлемдер мен аударымдарды жүзеге асырады, рубльді онлайн тәртіпте ең жақсы бағам бойынша сатып алуға және сатуға мүмкіндік береді, валюталық заңнама бойынша кеңес береді және валюталық келісімшарттарды бірнеше сағат ішінде есепке қояды.
«Өткен жылы СЭҚ көлемінің ұлғаюы, ең алдымен, клиенттерге ресейлік бизнеспен өзара іс-қимылды қамтамасыз ететін ВТБ тобының көпжылдық сараптамасымен, тәжірибесімен және ауқымды инфрақұрылымымен байланысты. СЭҚ қызмет көрсету сегментіндегі оң үрдіс ағымдағы жылы да жалғасын тапты. Біздің мақсатымыз – осы нарықтағы өз үлесімізді кезең-кезеңімен ұлғайту», – деп атап өтті ВТБ (Қазақстан) Басқарма Төрағасы Дмитрий Забелло.
ВТБ (Қазақстан) СЭҚ клиенттерінің сұранысқа ие құралдарының бірі VTB Business интернет-банкингіне қол жеткізе отырып, есеп айырысу-кассалық қызмет көрсету болып табылады. Бұл сервисте сіз рубльді онлайн сатып алып, сата аласыз, күн сайын Ресейге трансшекаралық төлемдер мен аударымдар жасай аласыз. Сондай-ақ, жүйеде клиент мәміле бойынша валюталық бақылаудан өтіп, валюталық келісімшартқа тіркеліп, нөмір бере алады. ЕКБ топтамасы шеңберінде 2023 жылғы 1 шілдеге дейін кәсіпкерлер банк кепілдіктерін жеңілдікті шарттармен рәсімдей алатын болады.