Клиенттерге арналған ақпарат

Маңызды! Ақша аударымдарын жүзеге асыратын, оның ішінде үшінші тұлғаның пайдасына төлем карточкасын пайдалана отырып, Банк ВТБ (Қазақстан) АҚ ЕҰ («Банк») клиенттері мен төлем карточкаларын ұстаушылары ақпаратпен танысуға міндетті:

Төлем карточкасының деректемелерін, құпия сөздерді, SMS-хабарламадан кодтарды және құрылғыларға кіруді үшінші тұлғаларға бермеңіз.

Осы арқылы Банк клиентке және Банктің төлем карточкасын ұстаушыға ақша аудару кезінде, оның ішінде төлем карточкасын пайдалана отырып, үшінші тұлғаның пайдасына мынадай ықтимал тәуекелдер / талаптар туралы хабарлайды:

1) үшінші тұлғалардың алаяқтық әрекеттерімен байланысты ықтимал тәуекелдер;

2) үшінші тұлғалардың, оның ішінде мемлекеттік, құқық қорғау органовтарының немесе банктердің қызметкерлері ұсынатын адамдардың ықпалымен (өтініші бойынша) ақша аударуды жүзеге асыруға байланысты тәуекелдер;

3) операцияның күшін жою және ақша алушының бастамасы (шешімі бойынша) не сот шешімі бойынша ақшаны қайтару мүмкіндігі

Үшінші тұлғалардың алаяқтық әрекеттерінің кейбір түрлері туралы толығырақ сілтеме бойынша танысуға болады: Төлем карточкасын пайдалану кезіндегі қауіпсіздік

Банк ВТБ (Қазақстан) АҚ ЕҰ Корпоративтік төлем карточкасын ұстаушылардың назарына:

Клиент және/немесе Корпоративтік төлем карточкасын ұстаушы, сомасы 10 000 (он мың) АҚШ долларынан асатын карточкалық операцияны немесе баламасында өзге валютаны жүргізген кезде (операция сомасының баламасы нарықтық валюта айырбастау бағамы пайдаланыла отырып есептеледі), Банкке валюталық шартты осындай операция жүргізілген сәттен бастап күнтізбелік 30 (отыз) күн ішінде ұсынуға міндетті, ал Карточканың Ағымдағы шотынан шетел валютасында қолма-қол ақшаны алған кезде, Банкке тиісті растайтын құжаттарды осындай операция жүргізілген сәттен бастап күнтізбелік 30 (отыз) күн ішінде ұсынуға міндетті.

Аталған талап ВТБ Банк (Қазақстан) АҚ ЕҰ Басқармасының 2019 жылғы «19» қарашадағы №68 хаттамасымен бекітілген заңды тұлғаның ағымдағы шотын ашу, корпоративтік дебеттік төлем карточкасын беру және пайдалану туралы ҚОСЫЛУ ШАРТЫНЫҢ 4.2-тармағының 4.2.2-тармақшасына сәйкес орындалуы қажет, онда Клиент және/немесе Карточка Ұстаушысы Қазақстан Республикасының қолданыстағы заңнамасында, Қағидаларда, Төлем жүйесінің қағидаларында белгіленген төлемдерді/аударымдарды жүзеге асыру және төлем құжаттарын ресімдеу, валюталық операцияларды жүргізу қағидаларын сақтауға, оны сенімді тұлғаларының (уәкілетті тұлғаларының) / Карточка Ұстаушысының сақтауын қамтамасыз етуге міндетті.